انتشرت على مواقع التواصل الاجتماعى على شبكة الإنترنت مثل "الفيس بوك" و"تويتر"  تعليقات ساخرة تستاء من الانفلات الأمنى الواضح خلال هذه الأيام بعد وقوع أكثر من حادث سطو مسلح على فروع تخص البنوك والاستيلاء على ملايين الجنيهات التى هى فى الأساس أموال عملاء.

وبعد سطو العصابات أمس على أموال بنك مصر فى سيارة نقل الأموال وأحد فروع بنك "HSBC" اليوم انتشرت تعليقات نشطاء الفيس بوك وتويتر الكوميدية وكانت كالتالى:

 ـ أصل أبواب البنك معمولة بكباسين مش بزارير

ـ جماعة "اللصوص الملثمين" تتبرأ من سارقى بنك HSBCورئيسها مُعلقًا: هو إيه اللى كان وداه البنك أصلاً !!

ـ دا دليل على ان مصر بلد الامن و الامان ............ للبلطجى فقط

ـ أن ييجى البوليس بعد نزول كلمة النهاية دى دليل ع الأفلام المصرى أم الأجنبى

ـ تحليلات تربط بين حوادث السطو المسلح المتكررة اليوم وبين الدعاوى المتصاعدة للإسقاط الكامل لقانون الطوارئ.. معتبرة أن تلك الحوادث مُرتبة لتخويف الشعب ومن ثم قبوله استمرار الطوارئ حماية له من هذه الجرائم.

ـ بيقولك الدوريات الأمنية مبتطلش لف في كل مصر طول الليل طيب وبالنهار.. معلش أصلهم بيبقوا مطبقين.

- ايه اللى ودا البنك التجمع الخامس أصلا

- وعلى هاشتاج "على طريقة العيسوي" - إخنا ما عندناش بنك إسمه hsbc أصلا .. وما فيش منطقة فى مصر اسمها التجمع الخامس

اما على هاشتاج  hsbc# فتوالت التعليقات الساخرة

• 
  عاجل: تغيير أصوات أجهزة الإنذار في البنوك المصرية من الصفارة السخيفة إلى صوت يا واد يا مؤمن لتحفيز السلفيين


• 
  مش المفروض الرقاصة تروح تقابل زعيم العصابة عند الهرم


• 
  طب و ذنب العصايه ايه!! دوول اكييد بقالهم شهوور بيخططو .. يقومو ماسكينهم في ربع ساعه ؟؟


• 
  طب الفرع في تجمع الخامس يعني لا في التحرير ولا وسط البلد ولا في ماسبيرو عشان محدش يقول الثوار بقى


• 
  جبهة الدفاع عن حرامية البنك تطالب برد المحكمة لعدم كفاية الادلة.. الفلوس كلها اربع ونصاص ومش مترقمة


• 
  الحرامية يقدروا يهربوا الساعه 1 الظهر في عز الزحمة دليل على إن المرور عندنا ممتاز. 


• 
  مدام السرقه كانت إن بابليك ..ومفيش فيلينج ..يبقى سوووووووو وات


• 
  احنا ليه بنجري ورا الحرامي الي سرق بنك جوة مصر...ومنفضين للحرامي الي سرق فلوسنا وبعتها لبرة مصر ؟


• 
  السرقة سرقة شيكاغو، والعيشة عيشة الكونغو