هاجم خالد الغندور مقدم برنامج «الكرة الحلوة»، المذاع على شاشة «ltc»، أحمد حسن المدير السابق لنادي بتروجت، بعد هجوم الصقر عليه.

وقال خالد الغندور:«أحمد حسن لاعب محترم ورأيه أني إعلامي بدمر الكرة ده وجهة نظره عادي.. لكن المهم أنا شايف نفسي إيه».

وأضاف:« اللى مالوش خير في أقرب الناس ليه مش هايكون ليه خير في زميله بالكرة».

وتابع الغندور:« النجوم بيعتزلوا وأنت لاعب كبير بس لكن إعلاميًا اقعد على جنب أنت فاشل وكمدرب فاشل، ومعندكش فكرة وبيكتشفوا ده مع الوقت وبيتم إقالتك ودي رسالة بسيطة».

كان أحمد حسن المدير السابق لنادى بتروجيت فتح النار على خالد الغندور الإعلامى ولاعب الزمالك السابق , بسبب تصريحات الأخير ضده.

وقال فى تصريحات لبرنامج الكرة والجماهير على شاشة الأهلى:« أنت بتدمر الكرة المصرية وفاكر نفسك حامى الكرة يا خالد الله يخرب بيت نسبة المشاهدة اللى تخلي أجيال فى الكرة المصرية تتدمر».

وأضاف:" أنت ليه بتحرف تصريحاتى أنا قولت أطمح فى تدريب الأهلى والزمالك وأنت نزلت تصريح بأنى سأفضل الأهلى على الزمالك وسببت مشاكل لى مع جماهير الزمالك.. راعي ضميرك في كل كلمة تقولها واللي أنت بتعمله ده مش إعلام».