• الفيسبوك في الأول كان أسمهFace Mash وبعد كدا سموهTheFaceBook وبعد كدا أستقروا علىFacebook.

• فيه 10 مليون أبليكيشن على فيسبوك، 50 مليون صفحة، 700 مليون مستخدم نشط، 150 مليار تواصل صداقي على الفيسبوك منذ إفتتاحه، أكتر من تريليون لايكس، متوسط عدد الأصدقاء 140 صديق، عدد الصور أكتر من 240 مليار صورة عالموقع وأكتر من %20 من الصور إللي هتتاخد في العالم كله هتتحط عالفيسبوك، وعليه أكتر من 85 مليون أكاونت مزيف، أكتر من 250 مليون لعبة فيسبوك بتتلعب كل شهر، أكتر من 5 بروفايلات بيتعلموا في الثانية. وأكبر حاجة بقى إن الحقائق دي كلها بقالها حوالي سنتين يعني دلوءتي ممكن تضاعف الأرقام دي.

• ينفع تخش على فيسبوك بكتابة fb.com فقط smile emoticon (أو تكتبfb وتدوسCtrl + Enter.)

• لو أكتشفت أي غلطة في الموقع الفيسبوك هيدفع لك فلوس تتراوح ما بين 500 ل10 آلاف دولار على حسب كبر الغلطة عشان انت بتوفر عليهم إنهم يلاقو الغلطة بنفسهم

• الفيسبوك عليها أكتر من مليار مستخدم وحوالي نصهم بيدخل كل يوم على أكاونته، يعني 1 من كل 7 في العالم عنده فيسبوك، وفي أمريكا %95 من السكان عندهم فيسبوك.

• فيه واحد مصري أيام الثورة سمى بنته فيسبوك تكريمًا للموقع ودوره في الثورة المصرية، وأتنين إسرائيليين سموا بنتهمLike عشان هم حابين الكلمة ولحبهم للفيسبوك.

• زوجين أتقتلوا عشان عملواunfriend لواحدة كانوا عارفينها، أبو البنت إللي أتعمل لهاunfriend غضب جدًا وخد واحد قريبهم وراح قتل ال2 وساب ابنهم الصغير (8 شهور) عايش!

• حوالي 30 مليون أكاونت فيسبوك دلوءتي بتوع ناس ميتة.

• الفيسبوك أول ما فتح خالص كان مختلف، كان وش ألباتشينو على الموقع من فوق وكان للجامعات والمدارس فقط وكان فيه حاجات شير ملفات عاملة زيMegaupload والمواقع الشبيهة، وكانت الخصوصية بتاعت المستخدمين ضعيفة جدًا وكان معاهم كلمات سر المستخدمين وحتى كان فيهmaster password أي حد عارفها يقدر يدخل على أي أكاونت.

• أكتر صفحة عليها لايكات عالموقع كله هي صفحة أسمهاFacebook for Every Phone عليها 583 مليون لايك، وبعد كدا صفحة الفيسبوك نفسها عليها 160 مليون لايك وبعد كدا صفحة يوتيوب عليها أكتر من 80 مليون لايك (بس فيه صفحات تانية عليها برضو أكتر من 90 و100 مليون لايك زي صفحةCristiano Ronaldo وصفحةEminem.) وأول مستخدم سجل على الموقع كان صاحبه مارك.

• فيه مرض أسمهاFacebook addiction disorder ومتصنف على إن الشخص يبقى عنده أصدقاء كتير مزيفين وميرضاش يرد على التليفون عشان هو عايز يتواصل على فيسبوك بس ومبيقضيش وقت مع عيلته عشان يقضيه عالفيسبوك وعنده على طول صفحة أو صفحتين فيسبوك مفتوحين، إلخ. المرض دا ممكن يكون فيه 350 مليون واحد بيعانوا منه.

• ثلث حالات الطلاق في أمريكا فيها كلمة فيسبوك كأكبر مشكلة مؤدية للطلاق، و%25 من المستخدمين بيقولوا إنهم علاقاتهم العاطفية أنتهت على الموقع، و%20 بيقولوا إنهم بينهوا العلاقة ببساطة بتغيير الrelationship status لsingle.

• الفيسبوك كان نواة لكيانات وأنشطة تنموية بيئية ثقافية اجتماعية كان ليها دور مؤثر..