أوقفت شبكة تليفزيون "النهار" برنامج "بنات وولاد" الذي تقدمه الإعلامية سلمي صباحي على شاشة القناة، في خطوة مفاجئة.
وكتبت "سلمي" عبر صفحتها الشخصية على موقع التواصل الاجتماعي "فيس بوك" قائلة: "قناة_النهار قررت وقف برنامجي الحبيب #بنات_وولاد".
من كل قلبي باعتذر لكل البنات والولاد اللي تابعوا البرنامج وحبوا #ماما_سلمى واتعلقوا ب #بنتخ وصدقوني أنتوا هتوحشونا أكتر ما هانوحشكم.
وتابعت "سلمي": شكرا لقناة النهار إن كان عندها الجرأه تعمل برنامج للأطفال مع إني حزينه أوي عشان كان نفسي نكمل برنامج الأطفال الوحيد في مصر خصوصا أنه بقى له جمهور كبير جدا من الأطفال لكن الحمد لله على كل شيء.
بشكر كل الناس اللي شاركوا في البرنامج وخصوصا فريق الإعداد والبروديوسر وكابتن خالد والمصورين والمونتيرين والصوت والماكيير والكوافير والمخرج وعم رفعت الجميل اللي عملنا لبس بنتخ، وكل فريق العمل اللي كانوا بيصحوا من بدري الجمعة والسبت عشان نقدم حاجة حلوة للأطفال وبشكر كل ضيوفي المبهجين اللي فعلا فرحوا أطفال كتير وطبعا شكر خاص جدا لبنتخ "قلبي" بالقاف.
هتوحشوني أوي أوي أوي وإن شاء الله نتقابل قريب يا حبايب قلب ماما سلمى".
