المستفيد
بواسطة : همام
السيد الوزير احد الستفيدين من قانون الايجار القديم لذلك لن يقوم بعمل اى شئ لصالح الملاك
05/07/2011 2:15 PM
لا للتوريث
بواسطة : م/أمل
اولا ارحمونا من هذا القانون لان المستأجر أصبح بفضل هذا القانون يشارك المالك فى عقاره يدفعون ملاليم لا تأتى ثمنا لنصف كيلوا من اللحم الان ويمكن أقل ايضا ويملكون عقارات اخرى ويتركون الشقق للعفاريت تسكنها وفى النهايه عندما يطلب صاحب العقار اخلاء شقته ملكه حيث انهم لا يستغلونها يقولون (هنجوز فيها الواد )هو توريث فى الحكم وتوريث كمان فى الشقق هنلاقيها منين ولا منين وهناك من يزوج ابنه او بنته فيها ودون الموافقه على اى زياده أى ظلم هذا؟؟؟؟
05/07/2011 2:02 PM
العدد مغلوط
بواسطة : السيد سالم
عام 2006احصائيه خاطئه بواقع عام 2011 لان خمس سنوات تم خلالهم تحويل عدد كبير من السكان الى ملاك شقق عن طريق هدم العقارات واعادته تشيدها عمائر ضخمه واخرين انتهت العلاقه الايجاريه واخرين تمت الاخلاء لاسباب كتيره فاصبح عدد الاسر المستاجره فى عام 2011 اقل كتير من من خمستاشر فى المائه يعنى العدد السكان فى القانون القديم اصبحوا قله جدا ورجاء حزف الشقق المغلقه التى تم ادراجها مع الاحصائيه بمعنى ان الصافى الفعلى المستفيد من الايجار القديم لايزيد عن ثمانيه فى المائه وهذا العدد يتتطلب توفيق اوضاع وانهاء الوضع القديم دون تاثر بالسلب او ضرر على السكان اذن مشكله الايجارات القديمه اصحبت فى متناول الحل بدون اضرار نرجوا من صانع القرار الالتفات لهذه الجزئيه
05/07/2011 1:32 PM
الحل سهل جدا
بواسطة : رافت عزت صيادية
والله الموضوع مش مستهال كل التعب دا لان الحل سهل جدا وهو تحرير العلاقة الايجاريةبين المالك و المستاجرسواءللتجارى او السكنى خلال مدة انتقالية من 3 الى 7 سنوات و ذلك حسب تاريخ الانشاء للعقارات بحيث يتم حل المشكلة تدريجيا وخصوصاوان على الاقل نصف نسبة 15% من المستفيدين من الشقق اثرياء ويتملكون شقق و قصور و الباقى يتم دعمه من الحكومة
05/07/2011 1:02 PM
المستأجرين يمتلكون عقارات يسكنوها إيجار جديد ويسكنو عندى إيجار قديم
بواسطة : basemgabal
بسم الله الرحمن الرحيم أحب أوجه رساله بسيطه للمسؤلين لو الحكومه قالت الناس تقدم علشان فى شقق من الحكومه للشباب هل الحكومه بتديهم الشقه وخلاص ولا بتبحث إن كان عند أملاك أولا فإن كان عنده ملك شقه فلا توافق الحكومه على أعطائه شقه من عندها لأنه مالك لماذالا تبحث الحكومه وراء المستأجرين وبسرعه إن كانو يمتلكون عقار أو شقه أو قطعه أرض وكم دخله وهل هو من محدودى الدخل أم لا فإن كان يملك أى شىء ويسكن فى شقه إيجار قديم فتقوم الحكومه بطرده فورا لأنه مالك عقار أو شقه أوغيرة المهم أنه أغنى من ملاك العقارات الإيجار القديم لأنه له حكم التصرف فى ملكه والمالك الذى إبتلاه الله بالقانون القديم ليس له حكم التصرف فى عقاره طبعا المستأجر هيكون عامل عقود أملاكه بأسم زوجته أو إبنه أو بنته علشان الحكومه لما تدور على أملاك ليه متلقيش يبقى رأيى فى هذا الموضوع أنه لو يملك المستأجر عقار أو شقه أو قطعة أرض بأسمه أو أسم زوجته أو أسم أبنه فإنه لا يجوز له البقاء فى الشقه الإيجار القديم ويقوم بأخلاء الشقه فورا فكل المستلأجرين أصحاب أملاك ولاكن الطمع وعدم الأحساس بالأخرين
05/07/2011 10:43 AM
نعم بتحرير املاكنا
بواسطة : fatma
نعم بتحرير املاكنا من قانون العار الذى افسد جميع العلاقات الاقتصادية والاجتماعية واغرق البلد فى الحرام واكل السحت وذلك بوضع القوانين فى صالح المسئولين بالدولةوليس من العدل ان احرم انا واولادى من املاكنا ورصيد المستاجر يزيد فى البنك على حسابى وكمان يورثنى بالحياء رغم انفى دا فى شرع مين تسمو عدل ياشرفاء مصر
05/07/2011 9:44 AM
رضاء الناس بسخط الله
بواسطة : عقل
الى كل مسؤول هذه رساله من ام المؤمنين عائشه رضي الله عنها توصي بها معاويه رضي الله عنه وهي موجهه لكل مسؤول عن امور الناس================أخرج الترمذي في الزهد عن رجل من أهل المدينة قال: كتب معاوية رضي الله عنه إلى عائشة رضي الله عنها أن اكتبي لي كتابا توصيني فيه ولا تكثري علي، فبعثت عائشة رضي الله عنها إلى معاوية: سلام الله عليك أما بعد فإني سمعت ......رسول الله صلى الله عليه وسلم يقول: ((من التمس رضا الله بسخط الناس كفاه الله مؤونة الناس، ومن التمس رضا الناس بسخط الله وكله الله إلى الناس)) والسلام عليك . وقوله عليه الصلاة والسلام: ((من التمس رضا الناس)) التمس يعني: طلب، وقوله عليه الصلاة والسلام (كفاه الله مؤونة الناس) المؤونة التبعية والمقصود كفاه الله تعالى شر الناس وأذاهم
05/07/2011 5:23 AM
عاجل الى معالى وزير الاسكان
بواسطة : احمد انور ابرهيم حسن
نتمنى تحرير الظلم والقهر الواقع على الملاك هم حاليا احفاد مجرد اسم فقط لقد اصبح المالك تحت خط الفقر فى ظل الايجارات الهزيلة بخمسة جنيهات وكام مليم نتمنى نظرة عدالة للملاك واقلها تحرير العلاقة الايجارية القديمة الابداية وليكن على فترة انتقالية على حسب تاريخ انشاء العقار لان هناك عقارات متهالكة اكثر من مائة عام وايضا حق الدولة فى العمران والاسثمار وحق الدولة فى ضريبة العقارية وبذلك يتوفر المعروض من الشقق وايضا تخفيف الضغط على وزارة الاسكان فى انشاء واحدات سكنية ويذيد الاعباء على الدولة نتمنى انصاف الملاك فلا يصح ان يكون عقد الايجار مؤبد منذ عقود تتورثها ابناء المستأجر فى حين ان ابناء الملاك لا يندفعون من ملك ابائهم فى شرع من يمعالى الوزير رغم وجود فتوى كثيرة ان عقد الايجار لابد ان يكون محدد المدة نتمنى نظرة من معاليكم
حفظكم الله
05/07/2011 4:49 AM
عدد الملاك يفوق عدد المستاجرين بكثير جدا
بواسطة : رجب مصطفي
قانون الاسكان القديم خلي المستثمرين يبعدوا عن هذا الاتجاه و من هنا المالك الي عايز يجوز ابنه كان يبني له فوق العقار ..و مع الوقت اصبح الملاك همه الي عددهم اكثر ,,
هذا بخلاف ان اغلب المستأجرين اصبحوا ملاك في مكان اخر لان ماعندهمش حل تاني طالما قادر هايشتري ارض و يبنيها و برضه مش هايدي الشقة الايجال لمالك فالرقم الي هوه 15% من عدد الاسر في مصر مستاجرين ,,,اعتقد اننا لو رفعنا الاسر الي اصبحوا ملاك شواء اشتروا شقة من المحافظة ة او عن طريق اسكان مبارك او اسكان الشباب او غيره العدد هايقل كتير جدا ,,ده بخلاف شقق المصايف الي المستاجر قافلها علشان يصيف فيها اسبوع في السنة و ابن المالك مش لاقي حجره يتجوز فيها
لازم نعرف ان المالك ده برضة مصري و كلمة الحق لازم هاتطلع ,,و كفاية ظلم للملاك والي احنا ظلما المستأجرين بتمسكنا بالقانون القديم ,,
و الله الموفق
05/07/2011 2:55 AM
قانون الاسكان القديم اضر بالمستأجرين قبل الملاك
بواسطة : اسامة عبد اللة
قانون الاسكان القديم اضر بالمستأجرين قبل الملاك
اي استمراره ضار بالشعب المصري كله مستاجرين و ملاك
استمرار قانون الاسكان القديم اضر المستاجرين قبل الملاك و الي معاه فلوس يخاف يستثمرها في قطاع الاسكان ,, و ده الي خلي عرض الشقق يكاد يكون اتعدم ,,, علشان كده اغلب المصريين دلوقتي ساكنين في عشوائيات مالهاش نظير في العالم ,,, و العشوائيات دي بتطلع منها بشر بعيده عن اية اخلاقيات ,,لازم لازم نلغي هذا القانون الان و فورا يطلع قانون يحرر هذه العلاقة الغير شرعية ,ولو علي مراحل , خصوصا ان الساكنين حاليا همه الجيل التاني او الثالث و يقدروا يجيبوا شقق لنفسهم اي قادرين و اغلبهم عنده شقق تانيه فعلا و ممكن كمان في نفس الحي !!و بياجروها بالقانون 96 بالف و الفي و تلات الاف جنيه !! ده غير ان فيهم الي اخد شقة من المحافظة او ارض بناء , و الي مش قادر ممكن يكون ليه اولويه في حجز شقة من اسكان المحافظة التابع ليها ,و المالك ممكن يساهم في ذلك ,ده غير ان ممكن يفرض ضريبه 1% علي اجمالي بيع اي شقة لصالح الاسكان الشعبي .
ده بالاضافة ان البيوت الي فيها قانون اسكان قديم بقالها اكثر من 50 سنه علي الاقل يعني كده كده هاتقع علي الي فيها ,و محتاجه اعاده بناء .لان الترميم لا يؤثر فيها ,القانون ده خلا القاهره الي طول عمرها ساحرة بقت مسحورة و بناخد صفر في اي لجان دولية ,و هوه نفس حال باقي المحافظات ,حسبي الله و نعم الوكيل في كل واحد سواء مسؤل او غير مسؤل يحرم الحلال و يحلل الحرام و يبقي شايف الظلم و يغمض عنيه ,يمكن هوه نفسة ساكن في شقة ايجار بثلاته جنيه!!!,
ان شاء الله بعد 25 يناير رجع الامل تاني لمصر و المصريين في عوده العدالة و كلمة الحق ,
و كفاية اكثر من خمسين سنه ظلم
حماكي اللة يا مصر بابنائك
05/07/2011 2:38 AM
